വടക്കാഞ്ചേരിയിൽ ഗ്രാമീണ റോഡുകളുടെ വികസനത്തിന് 10 കോടി രൂപ

വടക്കാഞ്ചേരി നിയോജകമണ്ഡലത്തിലെ ഗ്രാമീണ പ്രദേശങ്ങളിലെ റോഡുകളുടെ വികസനത്തിന് എം.എൽ.എ. യുടെ ആസ്തി വികസന ഫണ്ടിൽ നിന്ന് പത്ത് കോടി രൂപ അനുവദിച്ചു.മണ്ഡലത്തിലെ വിവിധ പഞ്ചായത്തുകളിലെ റോഡുകൾ ടാർ ചെയ്യുന്നതിനും ശുദ്ധജല വിതരണ പൈപ്പുകളും തെരുവ് വിളക്കുകളുംസ്ഥാപിക്കുന്നതിനും ഈ തുക വിനിയോഗിക്കുമെന്ന് അനിൽ അക്കരെ എം.എൽ.എ. അറിയിച്ചു. കോലഴി,അവണൂർ,തെക്കും കര,കൈപ്പറമ്പ്,മുളങ്കുന്നത്തുകാവ് തുടങ്ങിയ പഞ്ചായത്തുകളിൽ ആണ് ഇതിന്റെ പ്രവർത്തനങ്ങൾ നടപ്പിലാക്കുക.ധനമന്ത്രിയുടെ നിർദ്ദേശപ്രകാരം അടുത്ത സാമ്പത്തിക വർഷത്തിലേക്ക് വേണ്ട 50 ഓളം പദ്ധതികൾ സർക്കാരിന് സമർപ്പിച്ചതായും അദ്ദേഹം തന്റെ പ്രസംഗത്തിൽ പറഞ്ഞു.