കുണ്ടന്നൂർ പള്ളി തിരുന്നാൾ കൊടിയേറ്റ് നടത്തി.

കുണ്ടന്നൂർ കർമ്മലമാതാ ദേവാലയത്തിലെ വി.സെബസ്ത്യാനോസിന്റെ അമ്പ് തിരുനാൾ കൊടിയേറ്റ് ഭക്തിസാന്ദ്രമായി. തൃശൂർ മേരിമാത മേജർ സെമിനാരി റെക്ടർ റവ.ഫാ.ജെയ്സൻ കൂനംപ്ലാക്കിൽ കൊടിയേറ്റ് കർമ്മം നിർവഹിച്ചു. കുണ്ടന്നൂർ കർമ്മലമാതാ പള്ളി വികാരി റവ.ഫാ.ജോജു പനയ്ക്കൽ, കുണ്ടന്നൂർ ഇടവകയിലെ നവവൈദികൻ ഫാ: ജോസഫ് തറയിൽ പുത്തൂർ, കൈക്കാരന്മാരായ ഫ്രിജോ വടുക്കൂട്ട്, ഡേവിഡ് ചുങ്കത്ത്, കുരിയാക്കോസ് തറയിൽ പുത്തൂർ എന്നിവർ നേതൃത്വം നൽകി. 2020 ജനുവരി 19,20,21 തിയ്യതികളിലായാണ് തിരുനാൾ ആഘോഷിക്കുന്നത്.